Sunday, November 7, 2010
Friday, November 5, 2010
පුලුවන්නම් සොයන්න....
කොහොමද ඉතින් ටිකක් මේ දවස් වල වැඩ, මොකද මේ දවස්වල මම රුපවාහීණී අයතනයක කෙටිකාලීන පුහුනුවකට ගියපු නිසා. ඉතින් එහෙම ගියා කියලා මගේ බ්ලොග් එක පැත්තට එනන්න් අමතක කලේ නැහැ. ඉතින් මම අද මගේ විද්‍යුත් තැපෑලට ආපු ලිපි බලනකොට මගේ මිත්‍රයෙක් මට එවල තියනවා ලස්සන චිත්‍රයක්. සමහර විට ඔයාටත් එන්න ඇති චිත්‍රය කොහොමනමුත් අද මම එක ඔයගොල්ලන්ට දෙන්න හිතුවා. ටිකක් ලොකු චිත්‍රයක්. හ්ම්...... මේ චිත්‍රයේ තියෙන්නේ ලෝකය වෙනස් කල පුද්ගලයන්, ඒවගේම ප්‍රසිද්ධ පුද්ගලයන්. මටනම් 25 විතර හොයගන්න පුලුවන් බලන්න ඔයාටත් කොපමන දෙනෙක් හොයගන්න පුලුවන්ද කියලා....
Wednesday, November 3, 2010
"අනාගතය හදන අපි" යන තේමාව යටතේ ශ්‍රී ලංකා ජනමාධ්‍ය විද්‍යාලය
ආචාරධාර්මික පුවත්පත් ජනමාධ්‍යවේදීන් බිහි කිරීම අරමුණු කර ගනිමින් 2004 දී ආරම්භ වූ ශ්‍රී ලංකා ජනමාධ්‍ය විද්‍යාලය මේ වන විට වසර 5 ක් ගෙවා අවසානයි. ශ්‍රී ලංකාවේ ජනමාධ්‍යවේදීන්ට අපක්ෂපාතී ජාන්ත්‍යන්තර මට්ටමින් පුහුණුවක් හා දැනුමක් ලබා දෙමින් "ජනමාධ්‍ය, ඒවා ඇතුළතින් වෙනස් කිරීමට"උත්සාහ කරයි. විද්‍යුත් හා මුද්‍රිත මාධ්‍ය දෙකටම අදාලව ගුවන්විදුලි, රූපවාහිනී හා පුවත්පත් මාධ්‍යයන් සඳහා මෙහිදී පාඨමාලා සිදු කර ගෙන යනු ලබයි.
එහිදී ගුවන්විදුලි,රූපවාහිනී හා පුවත්පත් මාධ්‍යයන් සඳහා අවශ්‍ය සියළුම උපකරණ හා පහසුකම් ශ්‍රී ලංකා ජනමාධ්‍ය විද්‍යාලය සතුය. ජනමාධ්‍යවේදීන් ලෙස වෘත්තීය ජීවිතය ආරම්භ කිරීමට අපේක්ෂා කරන තරුණ තරුණියන්ට මෙරට ජනමාධ්‍ය ක්ෂේත්‍රයට අවතීර්ණ වීමට හැකි පුහුණුවක් ජනමාධ්‍ය විද්‍යාලයේ පාඨමාලාවන් තුළින් ලබා දෙයි.
ජනමාධ්‍ය කර්මාන්තයේ නියැළී සිටින අය විසින් ම ගොඩනඟන ලද ශ්‍රී ලංකා ජනමාධ්‍ය විද්‍යාලය ජනමාධ්‍යවේදීන් පුහුණු කරන ප්‍රමුඛතම ආයතනයයි. පළපුරුදු ජනමාධ්‍ය පුහුණුකරුවන්ගෙන් සමන්විත ස්ථීර කථීකාචාර්ය මණ්ඩලයක් ජනමාධ්‍ය විද්‍යාලයේ සිටීම සුවිශේෂත්වයකි. ඊට අමතරව ජාතික මාධ්‍ය ආයතනවල පුර්ණ කාලීනව කටයුතු කරන ජනමාධ්‍යවේදීහුද දේශන සදහා පැමිණෙති. ජනමාධ්‍ය කර්මාන්තයේ නියැළී සිටින අයගේ උපදේශකත්වය යටතේ විෂය මාලාව සකස් කෙරෙන අතර එය ස්වීඩනයේ කල්මාර් විශ්ව විද්‍යාලය අධීක්ෂණය කරයි. සෑම ශිෂ්‍යයෙකුම ශ්‍රී ලංකාවේ ජනමාධ්‍ය ආයතනයක ප්‍රායෝගික පුහුණුව සඳහා යැවෙන අතර එම කටයුතු අදාල ජනමාධ්‍ය ආයතනයේ විධායක නිලධාරියෙකුගේ අධීක්ෂණයට ලක් වේ. ජනමාධ්‍යවේදීන් සදහා වු ආචාරධර්ම අධ්‍යයනයට විෂය මාලාවේදි ප්‍රමුකත්වය ලබා දේ. ජනමාධ්‍ය ක්ෂේත්‍රයේ වෘත්තීය කටයුතු සඳහා අවශ්‍ය වන පරිගනක දැනුම සහ ජනමාධ්‍ය ක්ෂේත්‍රයේ භාවිතාවන පරිගනක මෘදුකාංග පිළිබඳව පුහුණුව ලබාදීමද පාඨමාලාවේ විෂය මාලාවට අයත් වේ. ශ්‍රී ලංකාවේ පුවත්පත් ආයතන වල,රූපවාහිනී සහ ගුවන්විදුලි ආයතන වල භාවිතා කරන පරිගනක මෘදුකාංග හා වෙනත් උපකරණ ශ්‍රී ලංකා ජනමාධ්‍ය විද්‍යාලය සතුව පවතී.
දැන් ශ්‍රී ලංකා ජනමාධ්‍ය විද්‍යාලය 2011 සඳහා අයදුම් පත් බාරගනී, ඔබටත් ලංකාවේ විශිෂ්ඨ ජනමාධ්‍යවේදියකු වීමට නම් ඔබත් දැන්ම අප හා එක්වන්න. දැන්ම අමතන්න.
එහිදී ගුවන්විදුලි,රූපවාහිනී හා පුවත්පත් මාධ්‍යයන් සඳහා අවශ්‍ය සියළුම උපකරණ හා පහසුකම් ශ්‍රී ලංකා ජනමාධ්‍ය විද්‍යාලය සතුය. ජනමාධ්‍යවේදීන් ලෙස වෘත්තීය ජීවිතය ආරම්භ කිරීමට අපේක්ෂා කරන තරුණ තරුණියන්ට මෙරට ජනමාධ්‍ය ක්ෂේත්‍රයට අවතීර්ණ වීමට හැකි පුහුණුවක් ජනමාධ්‍ය විද්‍යාලයේ පාඨමාලාවන් තුළින් ලබා දෙයි.
ජනමාධ්‍ය කර්මාන්තයේ නියැළී සිටින අය විසින් ම ගොඩනඟන ලද ශ්‍රී ලංකා ජනමාධ්‍ය විද්‍යාලය ජනමාධ්‍යවේදීන් පුහුණු කරන ප්‍රමුඛතම ආයතනයයි. පළපුරුදු ජනමාධ්‍ය පුහුණුකරුවන්ගෙන් සමන්විත ස්ථීර කථීකාචාර්ය මණ්ඩලයක් ජනමාධ්‍ය විද්‍යාලයේ සිටීම සුවිශේෂත්වයකි. ඊට අමතරව ජාතික මාධ්‍ය ආයතනවල පුර්ණ කාලීනව කටයුතු කරන ජනමාධ්‍යවේදීහුද දේශන සදහා පැමිණෙති. ජනමාධ්‍ය කර්මාන්තයේ නියැළී සිටින අයගේ උපදේශකත්වය යටතේ විෂය මාලාව සකස් කෙරෙන අතර එය ස්වීඩනයේ කල්මාර් විශ්ව විද්‍යාලය අධීක්ෂණය කරයි. සෑම ශිෂ්‍යයෙකුම ශ්‍රී ලංකාවේ ජනමාධ්‍ය ආයතනයක ප්‍රායෝගික පුහුණුව සඳහා යැවෙන අතර එම කටයුතු අදාල ජනමාධ්‍ය ආයතනයේ විධායක නිලධාරියෙකුගේ අධීක්ෂණයට ලක් වේ. ජනමාධ්‍යවේදීන් සදහා වු ආචාරධර්ම අධ්‍යයනයට විෂය මාලාවේදි ප්‍රමුකත්වය ලබා දේ. ජනමාධ්‍ය ක්ෂේත්‍රයේ වෘත්තීය කටයුතු සඳහා අවශ්‍ය වන පරිගනක දැනුම සහ ජනමාධ්‍ය ක්ෂේත්‍රයේ භාවිතාවන පරිගනක මෘදුකාංග පිළිබඳව පුහුණුව ලබාදීමද පාඨමාලාවේ විෂය මාලාවට අයත් වේ. ශ්‍රී ලංකාවේ පුවත්පත් ආයතන වල,රූපවාහිනී සහ ගුවන්විදුලි ආයතන වල භාවිතා කරන පරිගනක මෘදුකාංග හා වෙනත් උපකරණ ශ්‍රී ලංකා ජනමාධ්‍ය විද්‍යාලය සතුව පවතී.
දැන් ශ්‍රී ලංකා ජනමාධ්‍ය විද්‍යාලය 2011 සඳහා අයදුම් පත් බාරගනී, ඔබටත් ලංකාවේ විශිෂ්ඨ ජනමාධ්‍යවේදියකු වීමට නම් ඔබත් දැන්ම අප හා එක්වන්න. දැන්ම අමතන්න.
වැඩි විස්තර මෙම සබැඳියෙන් :
http://slcj.lk/announce_ditails.php?ann_id=173
දුරකථන:. 011-5353635
http://slcj.lk/announce_ditails.php?ann_id=173
දුරකථන:. 011-5353635
All Rights Reserved Dhanesha Asiri © 2010
Tuesday, November 2, 2010
අපි සැවොම ඒක්වී රිසානා බේරා ගනිමු
අප රටට වැඩිම විදේශ විනිමයක් ලැබෙන්නේ පිටරට රැකියා සදහා යන ගෘහ සේවක සේවිකාවන් ගෙනි. එම නිසා අප සැවොමම ඔවුන්ට සදා ණයගැතී. රිසානා තෆීක් තරුණියට අවුරුදු 22. ඇයට සවුදි අධිකරණයෙන් මරණ දඩුවමට නියමව සිටී. ඇය ඉතාමත් දිලිඳු පවුලක උපන් තරුණියක වීමේ පල විපාකයකි ඇයට මේ අත්වීතිබෙන්නේ.
රිසානාගේ පවුල සහ ඔවුන් ජීවත්වන්නාවූ නිවස
මරණ දඩුවම කුමන ආකාරයකටවත් ශිෂ්ට සමිපන්න සමාජයකට ගැළපෙන්නක් නොවේ. එමගින් මුලික මානව අයිතිවාසිකමක් වු ජිවිතයට ඇති අයිතිය උල්ලංඝනය කරයි. මරණ දඩුවම නිසා මෙතෙක් බරපතල අපරාධ අඩු කිරිමට හේතු වු බව පෙන්නුමි කරන කිසිදු සාකිෂියක් එය ක්‍රියාත්මක කරන කිසිදු රටකින් වාර්තා වි නැත.
මානව හිමිකමි උල්ලංඝනයන්ට ජාති කුල ආගමි භේද නැත. දේශ සිමාවන්ද නැත. අද දවසේ රිසානා හෙට දවසේ ඔබ හෝ මා වියහැකියි. එබැවින් සිදුවන්නට යන මරණ දඩුවම නැමති බරපතල මානව හිමිකමි උල්ලංඝනය මෙන්ම අශිෂ්ට අපරාධය මුලු ලොවින්ම තුරන් කොට දැමිමට අවශ්‍ය පළමු පියවර ලෙස මුලු ලෝකයාත් ඔබත් මමත් මුත්තුර් ජනතාවට හැකි අනදමින් සහය පළකළ යුතුව ඇත.
All Rights Reserved Dhanesha Asiri © 2010
බඹර වළල්ල: ශ්‍රී ලාංකීය සිනමාවේ වයිටි ටයිගර්
බඹර වළල්ල චිත්‍රපටිය අපේ සමාජයේ යථාර්ථයයි පැවසිම අසත්‍යයක් නොවේ. නමුත් එය මේ රටේ මානව හිමිකමි හෝ නීතියේ ආධිපත්‍යය බිදවැටි ඇතැයි පිළිගන්නට අකමැති ඒවා සැගවිමට දත කන පුද්ගලයින්ගේ වෛරයට හෝ මර්ධනයට ලක්විමකි. මේ චිත්‍රපටය අපේ රටේ පවතින නීතිය නොමැතිකම, අරාජිකත්වය මැනවින් නීරුපනය කරයි.
පොඩි එකා සිරගෙදරින් නිදහස්ව ගෙදර එනවිට සිය මහලු මව මානසික රෝගියෙකි. බුදුන්ගේ දේශයයි කියා බෝඩි අලවන පන්සල් පල්ලි දේවාල දකින වාරයක් වාරයක් පාසා වැද නමස්කාර කරන ජනතාව මානසික රෝගින්ට සලකන්නේ කෙසේද?
ගොනමඩිත්තේ පොඩි එකා ප්‍රථමයෙන් අපරාධ වින්දිතයෙකි. නීතිය තමාට පිහිට නොවන බව ඔහු දැන ගනියි. රටේ වැඩිහරියක් තියෙන්නේ අපරාධකරුවන් ආරක්ෂා කරන නීති බව දැන ගැනිමට පොඩි එකාට නීති ඉගෙන ගැනිමටම ඔනෑකමක් නැත. යුක්තියේ දෙවගන ස්ත්‍රී දුෂණයකට දඩුවමි කිරිමට වසර 5ක් හෝ 6ක පමණ කාලයක් ගන්නා බවද ඔහුට අමුතුවෙන් කියාදිය යුතු නැත. නිතිඥයින්ද කල දුටු තැන වල ඉහින පිරිසක් බව ඔහු අසා ඇත. ප්‍රතිඵලය පොඩි එකා නීතිය අතට ගැනිමයි. තම වැඩිමහල් සහෝදරියව දුෂණය කළ බාප්පොචිඡා පොඩි එකා අතින් මැරුමිකයි.
පොඩි එකා සිරගෙදරින් නිදහස්ව ගෙදර එනවිට සිය මහලු මව මානසික රෝගියෙකි. බුදුන්ගේ දේශයයි කියා බෝඩි අලවන පන්සල් පල්ලි දේවාල දකින වාරයක් වාරයක් පාසා වැද නමස්කාර කරන ජනතාව මානසික රෝගින්ට සලකන්නේ කෙසේද? පිස්සා කියන වචනය තවදුරටත් සාරධර්ම ගරු කරන බව කියා ගන්නා සමාජයකට කොතරමි දුරට ගැළපේද?
ආදරය කෙසේවෙතත් විවාහය තීරණය වන්නේ කුලය, ධනය හා බලය මතය. පොඩි එකා තමා හරක් බලා ගන්නා ගෙදර තරුණියට පෙමි කරයි. ඇය ඔහුව ඉතා නින්දිත ආකාරයට ප්‍රතික්ෂේප කරන්නිය. තත්වය දුරදිග ගොස් පොඩි එකා මාරාන්තික තුවාල ලබයි.
තමා වල දාන්නේ මළ මිනිසුන් පමණයි යනුවෙන් කියා ගන්නා මැල් නමි මිනිසා පොඩි එකාගේ රැකවරණයට පැමිණේ. මැල් ස්වාමියා තම පැවැත්ම සදහා ආයුධය කර ගන්නේ පොඩි එකාවයි.
මා අතට වයිටි ටයිගර් කෘතිය කියවිමට ලැබි මාස හයක් හෝ හතක් පමණ වේ. එය මට කියවන්නට කිවේ මගේ පියාය. ඔහුට ඒ පිළිබදව දැන ගැනිමට ලැබි ඇත්තේ ප්‍රවින මානව හිමිකමි ක්‍රියාකාරිකයකු ගෙනි. වයිටි ටයිගර් හි ප්‍රධාන චරිතය තම බෝස්ව මරා පොහොසත් වේ. අවසානයේ පොඩි එකාද මැල් මෙන් මිනි පෙටිටි බිස්නස් එක පටන් ගනි. මේ ඉක්මනින් පොහොසත්විමේ තවමත් අපේ සමාජයේ ඇතමි අපේ අය අනුගමනය කරන ක්‍රමවේදයයි.
මෙම ලිපිය උපුටා ගන්නා ලද්දකි.
ලිපියෙහි පූර්ණ අයිතිය: හර්ෂි සි. පෙරේරා
http://www.janasansadaya.org/si-page.php?id=299&lang=si&type=ar
All Rights Reserved Dhanesha Asiri © 2010
Tuesday, October 26, 2010
ජීවිතයට එකතු කර ගැනීම හෙවත් අලූතින් පටන්ගැනීම්
ජීවත කාලය පුරාම අපි එක එක දේ එකතු කරනව. හරිම ලෝබකමකින් ආශාවකින් අපි ඒ දේවල් එකතු කරන්නේ තේරුමක් නැතිව නෙමෙයි. ජීවිතය කියන්නේ අපි එකතු කරපු දේවල් එක්ක ජීවත් වෙන දෙයක් කියලා මතක් කරන්න. පුංචි කාලේ පේර ගස් වටේ නැත්තම් ගේ පිටිපස්සට වෙලා අපි එකතු කළේ මොනවද? සමහරවිට පුංචි ටොෆි කොල වෙන්න ඇති’ මං හරි ආසයි කොළ බෝනික්කො එකතු කරන්න. ඒත් මගේ තාත්තට මට බෝනික්කො අරන් දෙන්න සල්ලි තිබුනේ නෑ. එත් මගේ ලග බෝනික්කො හිටියා. අම්මා චූටි චටි රෙදි කෑලි එකතු කරලා මට බෝනික්කො රොත්තක්ම මහලා දුන්නා. මං ඒ බෝනික්කන්ට පැලෙන්න ආදරය කලා. මගේ යාළුවෙක් හිටියා එයා හරි ආසයි කුරුළු පිහාටු එකතු කරන්න.නමුත් ජීවිතය එතනින් නවතින්නේ නෑ. නතර කරන්නත් බෑ. අපි ලොකු වෙලා එකතුකරන්න ගත්තේ පුංචි කාලේ එකතු කරපු දේවල් වලට වඩා වෙනස් දේවල් කියලා වෙලාවකට මට හිතෙනවා. මේ දේවල් එකතු නොකර පුංචි කාලේ වගේ සිප්පි කටු සමනල තටු එකතු කර කර උන්නානම් ජීවිතයේ මේ දුක නෑ කියලා එහෙම හිතෙන දවසක් තියෙනවා. ඇත්තටම ඇයි ජීවිතයේ දුක සතුට... කළකිරීම... පසුතැවිල්ල... සැනසීම අපි එකතු කරන දේවල් උඩ රැුඳිලා තියෙන්නේ. එහෙම වෙන්න හේතුවක් තියෙනවා. ඒ අපේ ජීවිතය ගතකරන්න හිතෙන්නේ අපි එකතු කරන දේවල් එක්ක නිසා. අපේ ජීවිතය බලාපොරොත්තු , අරමුණු හැමදෙයක්ම රැුඳෙන්නේ උපදින්නේ ඒ අපි එකතු කරන දේවල් නිසා.
හැමෝම එකතු කරන්න හදන්නේ වටිනා කියන දේවල්. ප‍්‍රශ්ණෙ තියෙන්නේ මොනවද වටින්නේ කියන එකයි. වටින්නේ මොනවද? නොවටින්නේ මොනවද? කියලා තීරණයක් ගන්න ඕනා. ඒ දේවල් ජීවිතයට ඇති කරන බලපෑම උඩ අපි එකතු කරන්න ඕනා අපේ හදවතට ඕන කරන දේවල්. ඒත් අපි එහෙම හිතන්නේ නැහැ. පපුව උඩට ගෙනත් අපි අතාරින්නේ අපේ හදවත අකමැති දේවල්. ඒ නිසා හොදට හිතන්න. ඔයාලා ජීවිතේ නොයෙක් දේවල් එකතු කරමින් ඉන්නවා වෙන්න පුන්‍දාවන්. ඇත්ත, ජීවත් වෙන්න මේ තරඟකාරී සමාජයක භෞතික සම්පත් ටිකකුත් එකතුකරගන්න ඕනා. මං කියන්නේ ජීවිතයේ එකතු කරන්න කියන එකම දේ මේ සම්පත් ටික නෙමේ කියලා. එකතු කරන්න තියෙන එකම තැන ඉතිරි කිරීමේ ගිණුම නෙමෙයි’ ජීවිතයේ හැම සතුටක්ම සැනසීමක්ම සෙට් කාඞ් එක, ටේලර් මැෂින් එකට දාලා අපට ලබා ගන්න බෑ. ඒක හදවතින්ම තේරුම් ගන්න.
හැගීම් එකතු කරන්න. ඒ හැගීම් හිතනවාට වැඩිය මට වටිනවා. එක මොහොතක ජීවිතයේ සියල්ල අහිමි වූ නිමේෂයක මුළු ලෝකයම ඔබේ හිස මත කඩා වැටුණු මොහොතක ඔබේ හදවතට ඇතිවුණු දුුක, තනිකම, පාළුව, මේ හැම දෙයක්ම නිසා ජීවිතය ඇතිකරන බලපෑම මතක තියාගන්න ජීවිතය හැමදාම අද වගේ නෑ. ජීවිතයේ නපුරු මොහොතක ඇතිවන හැගීම් හොඳයි කියන්නේ ඇයි දන්නවද? මීට වඩා පරිස්සමෙන් කැපකිරීමෙන් ගොඩනගාගන්න ඕනා කියලා මට හිතෙන්නේ ඔබ අර දුක් වින්ද දවස් මතක් කරනකොට අතීතයේ වින්ද දුකත් වේදනාවත් මතක තියාගන්න බැරි කෙනෙකුට කවදාවත් ජීවිතයේ සැනසීමක් ලබාගන්න බෑ.
ශක්තිය එකතු කරන්න. ශක්තිය කියන්නේ ජීවිතය ජයගන්න තියෙන එකම මග. ශක්තිය හැමදාම එක වගේ නෑ. සමහර විට මොනවා හරි දුකක් අද දරාගන්න පුළුවන් වුනාට හෙට ඒක දරා ගන්න බැරි වෙනවා. වැඩකට නැති මළ ගෙදරක දවස් 7ම නිදිමරන අපි අපේ වැඩකට එක රැයක් නිදිමරන්න කැමති නෑ.
මේක තමයි අපේ ඇත්ත කතාව. හැම දේකටම කලින් ඔබේ ජීවිතයට අසීමිතව ආදරය කරන්න. එතකොට තමයි ඒ ජීවිතය ගොඩ නගන්න ශක්තිය මතුවෙන්නේ. ශක්තිය තියෙන්නේ හැඟීම් වලින් අරමුණු වලින් ආවේශ ගන්වපු පුදුමාකාර සිතුවිල්ලකට. ඇයි ඛඔඔෑ සාමාජිකයො තමන්ගේ බඬේ බෝම්බ බැඳගෙන සියදිවි හානිකරගත්තේ. එහෙම වුනේ එයාලගේ නායකයා වුන ප‍්‍රභාකරන් ජාතිය ගැන ලොකු ආදරයක් එයාලගේ හදවත තුළ ඇති කරල තිබුන නිසා. ඒ ආදරය කොයිතරම් ප‍්‍රබල විදිහට දෙමළ කොල්ලන්ගෙ කෙල්ලන්ගෙ පපුුුුවල ඇතිකරල තියෙනවද කිව්වොත් තමුන් නැති ලෝකයක් වෙනුවෙන් තමාට අහිමි අනාගතයක් වෙනුවෙන් ඒ කොල්ලො කෙල්ලො බෝම්බ පපුරුවාගෙන මැරෙනවා. ඒ මිනිස්සු එහෙම හිතන කාලෙක අපේ අනාගතය වෙනුවෙන් ඇයි අපිට බැරි පොඩි කැපකිරීමක් කරන්න.
යහපත්කම, මනුස්සකම හරි සුවඳයි කියලා හිතන්න ජීවිතයේ මතුපිට තියෙන ගොඩක් ලටපට වලට වඩා යහපත් හදවතක අහිංසකකම වටිනවා. හැම දෙයක්ම එකතු කරගෙන එකතු කරගෙන යද්දි සමහර දේවල් ඉබේටම ඈත් වේගෙන යනවා. එහෙම වෙන්නත් දෙන්නත් එපා. ජිවිතයේ තියෙන දේවල් නැතිකරගෙන අළුතින් දේවල් එකතුකරගෙන වැඩක් නෑ.
ඒ නිසා හොඳට හිතන්න. ඔබට ආදරය කරන පූස් පැටියෙකුටවත් ඔබෙන් ඈතට යන්න දෙන්න එපා. අපේ ජීවිතවල සතුටත් දුකත් අපිට අයිති දෙයක්. අපි එකතු කරන්නේ මොනවද කියලා ඔබම හිතලා බලන්න. හොඳ දේවල් ජීවිතයට එකතු කරගෙන හොඳින් ජීවත් වෙන්න බලන්න. එය ඔබට කළ හැකියි. උත්සහා කරන්න.
.....
All Rights Reserved Dhanesha Asiri © 2010
Wednesday, October 20, 2010
Sunday, October 17, 2010
ලෝක ජනමාධ්‍ය ඡායාරූප සම්මානය දිනු ප්‍රථම ඡායාරූප ශිල්පිනී
ලෝක ජනමාධ්‍ය ඡායාරූප සම්මානය දිනු ප්‍රථම ඡායාරූප ශිල්පිනීය බවට පත්වන්නේ
Francoise Demulderය 1976 දීය. ලෙබනනයේදී මුහුනු ආවරණය කරගත් සොල්දාදුවන් ඉදිරියේ දැත් ඔසවාගත් පලස්තීන කාන්තාවක් විදහා දැක්වෙන මේ ඡායාරූපය සඳහාDemulder ට සම්මානය හිමිවිය.එය ලෝක ඉතිහාසයේ නොමැකෙන සිහිවටනයකි. පහත දැක්වෙන්නේ එම ඡායාරූපයයි.
1977 දී වියට්නාම් යුද්ධය වාරතා කිරීමට ගිය Demulder නොබියව සටන් පෙරමුණට ගොස් ඇයට අදාල සියලුම ඡායාරූප ගතකිරීම සිදුකලේ ඇමරිකනු හමුදා බටයන්ද විමතියට පත් කරමින්. එම වර්තාකරනයේදී ඇය රෝගාතූරව සිටියාය. කෙතරම් රෝගාතූරව සිටියත් ඇයගේ ජනමාධ්‍ය ඡායාරූප දිවියට හානියක් සිදු නොකර තමාගේ යුධවාර්තාකරණයද මනාව සිදුකලේය. මිතුරන් ඇයව හඳුන්වනු ලැබුවේ "Fifi" යනුවෙනි.
තරුණ කල ගත් ඡායාරූපයක් හා ඇය මිය යාමට පෙර ගත් ඡායාරූපයක්
ඇයගේ දිගුකාලීන මිතුරියක් වන Genevie Lamouroux පසන පරිදී ඇය මිය ගොස් ඇත්තේ හෘදයාබාධයකින්ය. 2003 දී පිලිකාවකින් ඔත්පල වූ ඇයට ඡායාරූප විකුනා යුරෝ 171,000ක් ඉපැයීම ඇගේ මිතුරන්ට හැකිවිය.
All Rights Reserved Dhanesha Asiri © 2010
Thursday, October 14, 2010
ජාතියක විනිශ්චය......
“A nation should not be judged by how it treats its highest citizens, but its lowest ones"
Nelson Mandela
"ජාතියක් විනිශ්චය කල යුත්තේ ඔවුන්ගේ ඉහල පුරවැසියන්ට සලකන ආකාරය මත නොව පහළ පුරවැසියන්ට සලකන ආකාරය මතය"
නෙල්සන් මැන්ඩෙලා
ඔබ කවුරුත් දන්නා පුද්ගලයෙකි නෙල්සන් මැන්ඩෙලා. මොහු තමන්ගේ ජීවිතයේ තරුණ කාලය ගතකලේ සිපිරි ගෙය තුලයි. එම කාලයේදී මැන්ඩෙලා විසින් කියන ලද රුවන් වැකියකි ඉහත දැක්වෙන්නේ. ඔබට යමක් සිතිය හැකිද? (පහළ පුරවැසියන්) කවුරුන්ද මොවුන්. ඔව් දුගී දුප්පත් යාචකයගේ සිට, සිපිරි ගෙය තුල සිටින සැක කරුවන් සහ වැරදිකරුවන් දක්වා ත් රටක සිටින සියලුම සුළු ජාතීන්, මා සිතන පරිදි මේ ඝනයට වැටේ. ඉතින් අප කල යුත්තේ, බල පුලුවන් උදවිය තව තවත් ඔවුන්ට බලය දීම නොව. පහළ පුරවසියන්ට සැලකීමය..
All Rights Reserved Dhanesha Asiri © 2010
මහ පොළොවට පැමිණි පසු...
සමහරුන් සතුටින් පිනා ගොස්ය. සමහරුන් චිලියෙහි ධජය ඔසවාගෙනය. සමහරුන් තම හිතවතුන් වැළඳගෙන සිටින විට තවත් අයෙක් බිම දණගසාගෙන දෙවියන් යදින්නේය. ඉන්පසු මේ සියලු දෙනාම රෝහල් කරා රැගෙන යාමට බලධාරීහු පියවර ගත්හ. මේ සෑම දේම සිදුවූයේ චිලියෙහි පතල් කම්කරුවන් මෙතෙක් ඔවුන් සිරවී සිටි අඳුරු “සෑන්ජෝස්” පතලෙන් මාස දෙකකටත් වැඩි කාලයක් සිරවී සිට, පසුව මේ පොළොවෙහි උණුසුම විඳීමට පින් කර ඇති බව ඔවුන්ටම පසක් වී ගොස් තබූ නිසාය.
පතලෙන් එළියට පැමිණි ප්‍රථම පතල්කරුවා වන Antonio Avalos ට තම දෑස් අදහා ගත නොහැකිව සතුටු කඳුළු වගුරන්නට පටන් ගති. සැබැවින්ම මෙය මානවයාගේ තවත් මහා පිම්මක් ලෙස නම් කළ හැකිය. එතරම් මෙය ආශ්චර්යමත්ය. එනිසාම පොළෝ කුහරයෙන් පැමිණි මෙම මිනිසා තම කුඩා පුතු හා ආදරණීය බිරිඳ වැළඳගත්තේ සතුටේ හිනි පෙත්තටම ගොස් තිබියදීය.
මේ ආකාරයෙන් චිලියෙහි පතල් කම්කරුවන් 33 දෙනාම නිරුපද්‍රිතව පොළොව මතුපිටට පැමිණීමට සමත් විය.තවද මෙම ආශ්චර්යමත් අවස්ථාවට එරට ජනාධිපති Sebastian Pinera පැමිණ සිටීම කම්කරුවන්ගේ සතුට දෙගුණ තෙගුණ කිරීමට සමත් විය.
සැබැවින්ම මෙම අවස්ථාව ලෝක ඉතිහාස පොතේ රන් අකුරින්ම ලිය විය යුතුය. තවද මෙම කම්කරුවන් බේරා ගැනීමට යොදාගත් ෆීනික්ස් ටැබ්ලට් උපකරණයට හා නිර්මාතෘටත් මෙහිදී ලෝකවාසී සියලුම ජනතාවගේ කෘතඥතාවය ලැබිය යුතුය. අවසාන වශයෙන් පැවසිය යුත්තේ මෙවැනිවූ විපත් ලොව කවර තැනකදීවත් සිදු නොවේවා !!! යනුවෙනුයි.
ඡායාරූප සඳහා මූලාශ්‍ර
බොස්ටන් වෙබ් අඩවිය , සී.එන්.එන් වෙබ් අඩවිය ,
All Rights Reserved Dhanesha Asiri © 2010
Tuesday, October 12, 2010
අප කවුරුත් දන්නා ඩ්‍රැගන් ෆෘට්
මේ වනකොට ඩ්‍රැගන් ෆෘට් කියන ආගන්තුක පලතුර අප රටේ සීග්‍ර ලෙස මේදින වල ජනප්‍රිය වී තිබෙනවා. නමුත් පතොක් කුලයට (Cactaceae) අයත් මේ ශාකය අප රටට හඳුන්වාදී කාලයක් ගතවුවත් එහි බහුලව වගා කිරීමක් හෝ වේළඳ පොල අලවියේ වර්ධනය පෙන්නුම් කරනේ ඉතා මඳ වශයෙනි, ඊට ආසන්නතම හේතුව විය හැක්කේ ඒහි රසය සහ ගුන හරි හැටි නොදන්නා කම වියහැක. මේම ඩ්‍රැගන් ෆෘට් ශාකය පතොක් කුලයට අයත් වන්නකි. මේම ශාකය පිතායා (Pitaya) යන නමින් සහ ස්ටෝබේරී පෙයාස් යන නම්වලින්ද හඳුන්වනු ලබයි. මේම ශාකයේ හටගන්නා ඵලයෙහි ඇති ආවේනික ගුණය වන්නේ තවමත් සොයානොගන්නා ලද එම ඵලයටම ආවේණික රසයයි.
මෙම ශාකයේ ඵලයෙහි ඇති පිටත පොත්ත රෝස පැහයකින් යුක්තයි. තවත් පිටත පොත්ත සුදු පැහයකින් යුක්ත වන් ඵලයකුත් තිබෙනවා. අප රට වැනි ආසියාතික රටවල් වැඩියේන් වගා කරනේ මෙම රෝස පැහයකින් යුක්ත වන ඩ්‍රැගන් ෆෘට් ශාකයයි. මෙම ඵලයෙහි සාපේක්ෂව අපද්‍රව්‍යලෙස ඉවතලන දෑ බෙහවින් අඩුයි, ඇත්තෙන්ම එම ඵලයෙහි පොත්ත කොටස පමනක් ඉවත දමයි. ඉතිරි සියල්ලම ආහාරයට ගනු ලබයි.
මෙමෙ ශාකයට අවම වර්ෂාපතනය ඝර්ම කලාපීය දේශගුණික තත්වයක් යටතේ මිලිලීටර 500 - 1250 අතර ප්‍රමානයක තිබියයුය. එමන්ම මෙම ශාකය වැලි බහුල ප්‍රදේශයේ සරුවට වැඩේ. එම නිසා අප වැනි ඝර්ම කලාපීය රටක මෙම ශාක හොන්ඳින් වගා කලහැකිය. එමන්ම මෙහි සරු අස්වැන්නක් ලබා ගැනීමටනම් මේහි කප්පාදු ක්‍රම සහ නිසි කලට පොහොර යේදීම සිදුකල යුතුය. නිසිලෙස මෙමවගාව කලහොත් ඉතාමත් හොඳ අදායමක් ලබාගත හැක. අද වනවිට මේ ඩ්‍රැගන් ෆෘට් කිලෝවක මිල විදේශීය වෙළඳපොල තුල රුපියල් 300 - 500 අතර ප්‍රමනයක් වේ. ඊට අමතරව දේශීය මෙන්ම විදේශීයවද මේ ඩ්‍රැගන් ෆෘට් පලතුරට හොඳ වේළඳ පොලක් ඇත. මේ වේන අප වෙළඳපොල තුල ගෙඩියක මිල රුපියල් 60- 150 ත් අතර වේ. ඒහි දුර්ලභ බව හේතුවෙන් විටක රුපියල් 500 ද අලවී වූ අවස්ට්ථාවන් නැතුවාම නොවේ..
ඉතින් මේවන් වටිනාකමකින් යුක්තවූ පලතුරක් අප නොසලකා හරින්නේ ඇයි. මේය අපේ රටේ ආර්තිකය සවිමත් කිරීමට හැකි වටිනාබෝගයකි. ඉතින් මඳක් සිතන්න.....
All Rights Reserved Dhanesha Asiri © 2010
Monday, October 11, 2010
හ්ම්... මම බ්ලොග් ලියන්න ආදුනිකයි. නමුත් මට හිතෙනදේ, දැනෙන දේ ඔයත් එක්ක බෙදාගන්න තියනවන්ම් කොච්චර ලොකු දෙයක්ද? ඉතින් මම අද ඉඳන් පටන් ගන්නවා මගේම කියල බ්ලොග් අඩවියක්. පොඩි සතුටකුත් තියනවා.... මොකද දැන් මගේම කියල බ්ලොග් එකක් තියන නිසා. ඉතින් මම දැනට මම ශ්‍රි ලංකා ජනමාධ්‍යය විද්‍යාලයේ රුපවාහිනී පාඨමාලවක් හදාරමින් සිටිනවා.
හරි... මගේ බ්ලොග් අඩවියේ නම් අහස අපේ. ඉතින් මම අද ඉඳන් පුලුවන් හැමදාම බ්ලොග් ලිපියක් දාන්න උත්සහ ගන්නම්. අපි ආයිමත් දවසක මේ වගේම් ලිපියකින් හම්බවේමු..
All Rights Reserved Dhanesha Asiri © 2010
Subscribe to:
Posts (Atom)
